Knutegarden Norangsdal
På Knutegarden kan du bu i kårleilegheita og sjå både fjord og fjell med kneisande tindar.
Garden er i full drift, og her er det storfe og mjølkeproduksjon, hest, kaninar og kattar.
Leilegheita ligg i hovudhuset, men har separat inngang og eigen hage, eitt bad og to toalett, eit godt utrusta kjøkken, TV-stove og gratis wifi. I andre etasje er det fire til åtte sengeplassar fordelte på fire soverom med ferdig oppreidde senger og handdukar. All reingjering er inkludert i prisen. Det er sjølvhushald, og frukost er ikkje med i prisen.
Det er høve til fiske i fjorden eller etter aure og røyr i vatna i Norangsdalen. I Lygnstøylvatnet, nokre kilometer unna, er det populært å dykke mellom dei gamle seterruinane.
Knutegarden i Norangdal er eit glimrande utgangspunkt for fjellturar. Slogen (1564 moh.) er det mest kjende fjellet. Det tek ti minutt å gå til råsa. Til Hotel Union Øye er det ein liten spasertur på 800 meter.
Foto 1: Leif Ø. Nordang, foto 2: Edith Nordang
Tlf. +47 992 79 443
+47 992 79 443
Foto: Edith Nordang