ØRSTAKONFERANSEN

Landbruk - Lokalmat - Reiseliv

Ørsta kulturhus 16. januar 2026

Påmelding

🌿 Ørstakonferansen

Landbruk, Lokalmat og Reiseliv

Ein møteplass for framtida for bygdenæringar i Møre og Romsdal

Vi har vidareutvikla Ørstakonferansen til å bli ein møteplass der bønder, lokalmatprodusentar, reiselivsaktørar, næringsliv og offentlege aktørar møtest for å dele kunnskap, bygge nettverk og finne nye løysingar for berekraftig vekst i bygdenæringane.

Konferansen har som mål å styrke, gje inspirasjon og verktøy til å:

  • utvikle nye produkt og opplevingar

  • nå nye marknader og kundar

  • samarbeide om distribusjon, synlegheit og merkevarebygging

  • styrke bærekraft og mattryggleik i distrikta

Ørstakonferansen vert arrangert i samarbeid mellom Ørsta Bondelag, Volda Ørsta Bonde- og Småbrukarlag, Landbrukskontoret, engasjerte bønder og reiselivsaktørar, Ørsta Næringskontor og sponsorar – med ambisjon om å bli den leiande møteplassen for landbruk, lokalmat og reiseliv i Møre og Romsdal og Nordfjord.

Konferansier Eli Kari Gjengedal

Eli Kari Gjengedal er kjend som ein av TV 2 sine mest populære nyheits- og vêrformidlarar. Med sin varme, humor og ekte engasjement, har ho i mange år vore eit kjent og kjært ansikt på norske TV-skjermer. Ho er utdanna akvaingeniør, men fann tidleg vegen til media og kommunikasjon, der ho har markert seg som ei tydeleg, folkeleg og formidlingssterk stemme.

Eli Kari vart tildelt Kringkastingsprisen i 2018 for å bruke dialekten sin og formidle på ein naturleg og nær måte – noko som har gjort henne til eit førebilete for mange. Ho er i dag ein ettertrakta programleiar, konferansier og inspirasjonsformidlar.

Under konferansen vil Eli Kari ikkje berre lose oss trygt gjennom programmet, men òg dele av eigen kunnskap om verteikn – slik berre ho kan. Med glimt i auget og plenty med energi - vil ho sørge for god stemning og fagleg inspirasjon frå start til slutt.

Føredragshaldarar

  • Kristin Krohn Devold

    Administrerande direktør NHO reiseliv

    Devold har ei lang og variert erfaring frå politikk og reiseliv. Ho har vore adm. dir. sidan 2013. Før det leia ho Den Norske Turistforening som generalsekretær i åtte år. Devold sat på Stortinget frå 1993 til 2005, og var forsvarsminister i Bondevik II-regjeringa.

  • Arne Brimi

    KOKK

    Brimi er kjend for sitt sterke engasjement for norsk mattradisjon. Han driv Vianvang, og er formidlar av mat, kultur og historie i nærkontakt med naturen. Brimi har fått fleire prisar og er kjend for sin varme, jordnære væremåte og filosofi om mat i balanse med naturen.

  • Tor Kristian Stevik

    DAGLEG LEIAR MATTORGET

    Stevik er brennande engasjert i utviklinga av ei rettferdig og berekraftig matverdikjede, sjølvforsyning, norsk matproduksjon og lokalmat. Han var involvert i prosjektet Volda kommune hadde om innkjøp av lokalmat. Stevik driv Mattorget – eit alternativ til daglegvarekjedene. Mattorget sel berre mat og drikke, og har fokus på norske og sunne råvarer – så direkte frå produsenten som mogleg.

  • Vivian Fjeldstad Nydal

    NYDAL MARKETING

    Vivian hjelper verksemder med med merkevarebygging og innhaldsmarknadsføring med engasjerande historieforteljing på sosiale media. Ho har tidlegare jobba i Destinasjon Ålesund & Sunnmøre og Visit Nordvest.

  • Harald Strømmegjerde

    DAGLEG LEIAR BRENNEVINSGROVA

    Strømmegjerde produserer handverksgin, akevitt og whisky. Han har fått bedriftsutviklingsprisen i landbruket frå Innovasjon Norge. Prisen anerkjenner bedrifta sin innsats innan merkevarebygging, innovasjon og lokal verdiskaping. No har han planta 600 epletre attom Nøva.

  • Nora Sandberg

    MJØLKEBONDE OG “FJØSFLUENCER”

    Nora Sandberg Bonde driv Kåtorp Gård med kring 90 mjølkekyr. Ho byggjer no draumefjøset, produserer korn og gras og deler daglegdagse gjeremål på instagram. Ho har bachelorutdanning i husdyrvitskap frå NMBU på Ås.

  • Jan Ivar Botnan

    TIDLEGARE FORSKNINGSSJEF FFI

    Jan Ivar har jobba i FFI i over 45 år i ulike stillingar. Han har ei omfattande erfaring og innsikt innan forsvarsforskning og sikkerheitspolitikk. Dette har gjort han til ei viktig stemme i diskusjonar på feltet - sjølv etter at han gjekk av med pensjon.

  • Frank Madsøy

    OMRÅDEDIREKTØR STATSFORVALTAREN I M OG R

    Som områdedirektør for «Berekraftig naturbruk» har Madsøy eit overordna ansvar for seksjonen som handterer m.a. naturforvaltning, landbruk, forurening, plan og klima m.m., innan fylkesområdet.

  • Anders Riise

    FYLKESORDFØRAR I MØRE OG ROMSDAL

    Anders Riise (Høyre) vart valt som fylkesordførar i Møre og Romsdal i 2023. Som fylkesordførar har han ansvar for å sette beredskap og tryggleik på den politiske dagsorden.

Sofapraten

*

Sofapraten *

LOKALMAT, BEREDSKAP OG SAMARBEID

Korleis kan vi styrke norsk matberedskap – og samstundes bidra til bærekraft, inkludering og lokal verdiskaping?

Målsetjing:

Gjennom pilotprosjektet i Volda, som handla om offentlege innkjøp av lokalmat, har Tor Kristian Stevik og lokale aktørar undersøkt korleis samarbeid og innkjøpsordningar kan stimulere til meir lokal matproduksjon. Erfaringane viser behov for nasjonal og regional støtte til modellar som gjer det mogleg å handle meir lokalt.
Hovudmålet med prosjektet var å styrkje mattryggleik og berekraft gjennom smartere bruk av offentlege innkjøp.

Program 2026

  • Registrering, kaffi og mingling.

  • Item description

  • Gründer

  • Matberedskap

  • Elev ved Ørsta musikkskule

  • Mingling og forfriskningar

  • Merkevarebygging

  • Item description

  • Item description

  • Item description

  • Item description

  • Item description

  • Item description

  • Item description

  • Item description
PÅMELDING

Tusen takk til sponsorane våre: