Hudpleieklinikken i nytt lokale

Sist veke opna Hudpleieklinikken Prof. makeup dørene til nye lokale i Vikegata 32 etter ei intens periode med oppussing og flytting. I dei moderne og funksjonelle lokala, ligg alt til rette for vidare vekst og utvikling.

Som medlemsbedrift er Hudpleieklinikken ein viktig del av handelsstanden i gågata i Ørsta. Gjennom snart 20 år har dei bygd opp solid kompetanse og eit breitt behandlingstilbod. Dei vidarefører dei same behandlingane og kvalitetsprodukta som kundane kjenner frå før.

Behandlingstilbodet deira er:

• Hudpleie og ansiktsbehandlingar

• Make-up og brynsbehandling

• Behandlingar utført av kosmetisk sjukepleiar

• Kroppspleie

• Hårfjerning

• Manikyr og pedikyr

Flyttinga markerer også starten på eit jubileumsår. Til hausten fyller Hudpleieklinikken 20 år, noko som blir markert seinare i år.

Vi gratulerer med nye lokale og snart jubileum!