Opplev smaken av Hjørundfjorden når Hjørundfjord Mat og Kultur fyller Sæbø med lokalmat, handverk, kultur og gode opplevingar. Her kan du møte lokale produsentar, smake på kortreist mat, oppdage tradisjonshandverk og oppleve levande kultur i vakre omgjevnader.

Arrangementet er ein møteplass for store og små, der lokal verdiskaping, mattradisjonar og kulturliv står i sentrum. Enten du kjem for å handle, smake, lære eller berre nyte stemninga, ventar ein innhaldsrik dag med aktivitetar og opplevingar for heile familien.

Set av laurdag 5. september og bli med på ei feiring av det beste Hjørundfjorden har å by på.

🍴 Lokalmat og drikke

• Ørsta VGS, restaurant- og matfag – smaksprøver av tradisjonsmat

• Melchiorgarden – kjøtprodukt av geit og produkt av frukt og bær

• Brubekken gardsmeieri – ost og rømme

• Samundegarden – egg, spekepølse m.m.

• Løvolds Røykeri – heimerøykt bacon

• Torghandel AS – smultringar

• Bondalen Grendalag – kaker

• Frøysagarden – røykalaks m.m.

• Urtemanufaktur – urteprodukt

• Karin Meidal – lefser

• Hovdenakk Hjort – hjorteburger og hjorteprodukt

• Muren kaffibrenneri – nybrent kaffi

• Einar Tore Bjørlykke – honning og bieprodukt

• Liset Gard – nybakt surdeigsbrød og produkt av grønsaker og bær frå garden

• Volda og Ørsta Bryggarlaug

🧶 Handverk og lokale produkt

• Annlaug Stokke – flettakorger og andre produkt av pil

• Line Leknes – heklaprodukt

• Laila Morken – smykke, skinnvesker og perlebroderi

• 3 jenter – smykke og heklaprodukt

• Hjørundfjordstrikk – heilnorsk strikkedesign med inspirasjoni natur og kulturarv

• Kristine Nesbakk - barne- og babykle og luer til vaksne og barn.

• Nilsbuda – handverk

🍕 Mat og servering

• Mjøl og Meir – mykje spennande på menyen

• Sæbø DS Ekspedisjon – napolitansk pizza

• Emil van Emden – thaimat

❤️ Lag og organisasjonar

• LHL

Foto: ØNK

Foto: ØNK

Foto: ØNK