Fabelaktig Fredag 2026

Fabelaktig Fredag er ein møteplass for jobbsøkjarar og arbeidsgjevarar – med inspirasjon, nye møte og moglegheiter i sentrum.

Dagen startar med eige program for jobbsøkjarar, før dørene opnar til jobbmesse med bedrifter som har behov for arbeidskraft no eller i nær framtid. Seinare på dagen blir det eige fagleg program for arbeidsgjevarar.

Program

Kl. 09.30 – Dørene opnar

Kl. 09.45–ca. 12.00 – Program for jobbsøkjarar

Kl. 12.00–14.00 – Jobbmesse
Møt bedrifter som har rekrutteringsbehov no eller i nær framtid. Her får arbeidssøkjarar høve til å ta direkte kontakt med bedriftene, bli betre kjende med arbeidslivet i regionen og høyre meir om aktuelle jobb- og karrieremoglegheiter.

Kl. 14.30–ca. 17.00 – Program for arbeidsgjevarar

Det blir mellom anna:

• Sofaprat med arbeidsgjevarar, NAV, Furene AS, Ann Helen frå Vik Ørsta og Leon Romestrand frå MOT.

• Cecilie Eriksrud snakkar om korleis arbeidsgjevarar kan kommunisere med og forstå generasjon Z.

• Kjetil Krogstad inspirerer til å tore, våge og feile, by på seg sjølv og vere seg sjølv. Han er også konferansier og leier oss gjennom dagen.

• Utdeling av juryprisar

Fabelaktig Fredag skal skape møte mellom menneske, arbeidsliv og nye moglegheiter – anten du er på jakt etter jobb, nye medarbeidarar eller inspirasjon til korleis arbeidslivet kan bli endå meir inkluderande.

Påmeldingslenker:

Påmelding jobbmesse (For bedrifter med arbeidskraftbehov)

Fabelaktig fredag Søre Sunnmøre - jobbmesse – Fyll ut skjema

Påmelding ettermiddagsprogram for arbeidslivet  (Program for alle arbeidsgivarar) 

Fabelaktig Fredag Søre Sunnmøre - for arbeidslivet – Fyll ut skjema