For femte gong sidan 2022 inviterer næringsforeiningane i Molde, Kristiansund/Nordmøre og Ålesundsregionen til stor jobbmesse i Oslo for å synleggjere moglegheitene i Møre og Romsdal. Arrangementet tiltrekker kvart år studentar, nyutdanna og erfarne kandidatar som vurderer regionen som arbeidsstad.
Søre Sunnmøre vil stille med eigen stand, der næringsforeiningane/kommunane i Ørsta, Volda, Hareid, Ulstein og Vanylven vil vise fram regionen vår som ein bu- og arbeidsregion. Vi håpar også fleire bedrifter vil vere med og møte potensielle tilflyttarar, og bidra til å vise fram karrieremuligheitene som fins i vårt område.
