Stiftinga Ørsta Næringskontor har som føremål å være eit serviceorgan for næringsliv og næringsutvikling i Ørsta.
Etter mange år med kommunalt tilsett næringskonsulent som ein del av rådmannen sin stab, fann kommunen i samråd med næringslivet at ein ville avvikle denne ordninga og heller satse på ei frittståande og uavhengig eining. Stiftinga vart difor oppretta 15 januar 1998 av Ørsta Kommune, Sparebank1 Volda Ørsta, Nordea Ørsta, Bygg og Anleggsgruppa i Ørsta og Volda, Næringsgruppe Industri og Sentrumsforeininga i Ørsta.
Stiftinga vert leia av eit styre på 7 personar som er samansett av tre personar frå kommuneleiinga; Ordførar, eit medlem frå formannskapet og Rådmannen. Dei fire andre styremedlemene kjem frå næringslivet representert ved Sentrumforeininga, Næringsgruppa Industri samt Bygg og Anleggsgruppa.
Ørsta Næringskontor stimulerer til samarbeid og styrking av det lokale næringslivet, og kanaliserer næringslivet sine behov i høve til kommunane vedkomande tilrettelegging og infrastrukturutvikling. Næringskontoret er eit ressurskontor med kunnskap om lokale føresetnader og utviklingspotensiale. I tillegg til bedriftsøkonomiske rådgivingstenester og rådgiving til nyetablerarar, er Næringskontoret eit knutepunkt for næringsaktuelle spørsmål.
